Sor. City LGU liwat na ipinahiling sa publiko an disenyo kan bagong ititindog na city hall

Liwat na pinahiling sa publiko kan lokal na gobyerno kan ciudad nin Sorsogon an pandok kan magiging bagong city hall.

Sa facebook post ni Sor. City Mayor Ester Hamor, ipinahiling kaini an sarong video na nagpapahiling sa footage kan nasambit ng estraktura na mahahaman sa masunod na taon.

Pinasalamatan kan alkalde si Sor. Gov. Francis Escudero dahilan sa espwerso kaini na mareyalisar an siring na proyekto sa tabang kan opisina ni Senate President Tito Sotto kun saen may inisyal na pondo na sanggatos milyones pesos an bagong city hall.

Matatandaan na isinagibo kan nakalihis na bulan nin Mayo an blessing sin ground breaking kaini sa Brgy Cabid-an na pinangenotan ni Obispo Jose Alan Dialogo.

Tiwala si Mayor Ester na sa paagi kan ititindog na state of the art 3 storey building mas magiging epektibo asin magayon an itatao nindang serbisyo publiko.

Mientrastanto nakatalaan na gibohon bilang city hospital an babayaan na presenteng city hall sa oras na mahaman an trabaho.

0 comments:

Post a Comment

• IBA PANG BARETA