Mga naka-enroll na estudyante sa Bicol, uminabot na sa labi 600 mil

600 mil na mga estudyante an naka-enroll na para sa masunod na school year sa kabikulan maskid ae pa nin kasiguruhan kun papano gigibohon an klase sa lindong kan pinagaapod na new normal dara kan Covid-19 pandemic.

Sinabi ni Mayflor Jumamil, tagapagtaram kan Deped Bicol na maabot sa 34,399 an nakaenroll sa kindergarten, 282,576 sa elementarya, 200,550 sa junior high school asin 91,371 sa senior high school, mantang nasa 6,777 an naka-enroll sa alternative learning system asin 3,606 sa learner with disabilities.

Saiyang sinabi, naglalaom an departamento na madadagdagan pa an bilang kan mga mapa-enroll mantang dae pa nabibilang an mga nasa drop boxes.

Sinabi ni Jumamil, an ultimong aldaw kan enrollment iyo an itinalaan kan Deped sa Hunio a 30.

0 comments:

Post a Comment

• IBA PANG BARETA