Sorsogon isasairarum na sa Modified GCQ, epektibo Hunio 1

Nakatalaan nang ipairarom an bilog na probinsya nin Sorsogon sa Modified General Community Quarantine.

Sa IATF Resolution No. 40, gabos na probinsya sa Bicol apwera sa Albay iyo an isasairarum sa MGCQ, epektibo Hunio 1 sagkod 15.

Kabilang sa mga probinsya na nasa irarum kan modified GCQ an minasunod: Camarines Norte, Camarines Sur, Catanduanes, Masbate siring man maging an ciudad kan Legazpi asin Naga.

Dahilan kaini, pinaglalaoman na magpapalowas nin bagong executive order si Sor. Gov. Francis Escudero sa mga masunod na aldaw tanganing ilatag an mga probisyones o guidelines na ipapaotob sa probinsya sa irarum kan siring na polisiya.

Mientrastanto, sinabi ni Ako Bicol Rep. Atty. Alfredo "Pido" Garbin Jr kinakaipohan man giraray magsunod sa magkakanigong minimum health standards an mga reaidentes kan lugar sa nasyon lalo na sa rehiyon Bicol na ibibugtak sa Modified General Community Quarantine o MGCQ sagkod Hunyo 15, 2020

"Pero just the same, dapat dai kita magrelax kasi pirmi pigreremind kita kan health standard na pirming pig-memention sa guidelines", segun saiya.

Mas turos na an MGCQ kumpara sa GCQ dahulan sa mas dakol na an mga personang matutugutan magluwas nin harong, tutugutan naman an 50% sa mga aktibidad sa simbahan, outdoor exercises asin iba pa.

0 comments:

Post a Comment

• IBA PANG BARETA