Mga nag-uling Sorsoganon na sinundo kan sweaper team, uminabot na sa sobra 1,600 persona

Suminakat na sa sobra 1,600 na bilang nin mga Sorsoganon an nasundo kan sweaper team kan provincial government kasunod kan pagabot kan haros nasa 364 na mga Sorsoganon na na-estranded sa Metro Manila makalihis na mawaran nin trabaho dahil sa epekto kan Covid-19 pandemic.

Kasunod kan siring na bagay, siniguro ni Sor. Gov. Francis Joseph Escudero na idederetso an gabos na mga mauling Sorsoganon sa mga quarantine facility asin mga LGU asin sasairarum sa mandatoryong 14 diaz na pagkakwarentina.

Siniguro man kan gobernador na tatawan nin libreng pagkaon, hygiene kits asin regular check ups kan health office an mga nagbabalik probinsya mantang nagsasairarum sinda sa quarantine.

Enot ng nagpalowas nin kasuguan an gobernador sa mga local chief executive sa bilog na probinsya na mag-issue nin certificate of acceptance sa mga Sorsoganon na gustong mag-uli na sa probinsya dahilan sa namamatean na kapigaduhan dara kan pandemya.

0 comments:

Post a Comment

• IBA PANG BARETA