BFP Sorsogon, liwat na nagpatanid kontra sa kasulo


Liwat na nagpatanid an mga personahes kan Bureau of Fire Protection laban sa kasulo.

Ini makalihis na makapagrehistro nin tolong insidente sa manlaenlaen na parte kan probinsya paraber na magtapos an bulan nin Mayo.

Sinabi kan ahensya, risgo sa ngonian an pagkakaigwa nin kasulo dahilan sa namamatean na sobrang init kan panahon.

Matatandaan na naerehistro kan nakalihis na Biernes, Mayo 29 an primerong kasulo sa Brgy. Palale, Bulan Sorsogon.

Alas 10 nin aga kan mareparo kan pamilya Arcenal na abo an saindang harong makalihis na kakanon nin kalayo na pinagtutubudan na sa napabayaan na sinapna nagpoon.

Alas 4 nin hapon sa kaparehong aldaw kan kakanom man nin kalayo an sarong harong sa Brgy. San Antonio, Bulusan, Sorsogon.

Maswerte na sanang naagapan kan mga residente asin mga personahe kan BFP Matnog kung kaya dae kuminalat an kalayo sa mga pagtaraid na harong.

Sa ibong na lado, kuminaraba naman an sarong kasulo sa kadlagan o wildfire, pasado alas 7 nin banggi sa Sitio Padang, Brgy. Sta. Isabel, Matnog Sorsogon.


0 comments:

Post a Comment

• IBA PANG BARETA