Provincial Government siniguro na nagsunod sa pinagtalaan na protocol an mga bubukasan na primary tourism establishment sa probinsya

Padagos an pinagigibong inspeksyon sa mga primary tourism establishment kan mga personahes kan Sorsogon Provincial Tourism, Culture and the Arts Office.

Ini kasunod naman kan ipinalowas na executive order ni Sor. Gov. Francis Escudero dapit sa guidelines na dapat na sunodon sa pagbubukas kan industriya kan turismo sa Sorsogon.

Sinabi ni Bobby Gigantone, hepe kan nasambit ng opisina, mawot na masiguro kan gobyerno probinsyal na nagsusunod an mga ini an pinagtalaan na guidelines asin protocol kan Inter Agency Task Force.

Tinawan nin doon ni Gigantone na obligado an mga PTE na magbugtak nin health card form o logbook sa saindang negosyo para mas pasil an contract tracing siring man 50% sana kan regular na kapasidad an laman kaini.

Dagdag pa kan opisyal na mga local residents sana o local tourist an pinagtutugutan na makalaog sa mga magagayon na pasyaran kan probinsya bilang parte kan protocol kan gobyerno para maiwasan an posibleng pagkalat kan Covid 19.

0 comments:

Post a Comment

• IBA PANG BARETA