Mga brgy tanod sa Castilla, tinawan nin food packs ni Mayor Bong kasabay kan fathers day celebration

Kasabay kan selebrasyon kan fathers day kan nakalihis na Domingo, nagdistribute si Castilla Mayor Bong Mendoza nin food packs sa mga barangay tanod sa banwaan kan Castilla.

Ini bilang parte kan pagkilala kan LGU Castilla sa ambag kan mga brgy tanod tanganing masiguro an paz y orden sa 34 barangay kan Castilla sa tahaw kan agyat kan pandemya na dara kan Covid-19.

Sinabi ni Mayor Mendoza, dae matatawadan an trabaho kan mga Barangay Tanod na nagsisirbing bantay kan mga barangay, konsiderado man na suldados sa sadiring komunidad asin protektor bako sana kan pamilya kundi kan bilog na komunidad.

Siniguro man ni Mayor Bong na padagos an pinagigibong lakdang kan LGU tanganing matabangan an gabos na sektor sa tahaw kan agyat na dara kan bagong panahon o new normal.

0 comments:

Post a Comment

• IBA PANG BARETA