Gov. Chiz Escudero, nagpalowas nin guidelines tanganing sunodon kan publiko mantang nasa irarum kan Modified GCQ an Sorsogon

Dagos ng nagpalowas nin giya an gobyerno probinsyal na dapat na sundon kan mga Sorsoganon sa tahaw kan implementasyon kan General Modified Community Quarantine sa bilog na probinsya.

Sa pinirmahan na Exec. Order No. 44-2020 ni Sor. Gov. Francis Joseph Escudero, sinabi kaini na magpapadagos an curfew poon alas 10 nin banggi hasta alas 5 nin aga.

Dapat man na mahigpit na ipasunod an mga minasunod na kondisyon:

a. Social Distancing sa mga pampublikong lugar siring na sana sa mga merkado, terminal, pribado asin pampublikong establisyemento maging sa pagtiripon o pagpupulong

b. Kinakaipuhan man guiraray an pagsul-ot nin Face Mask

c. Sanitation asin Disinfection sa mga business establishments, opisina, malls, public spaces, private utility vehicles (PUVs), tricycle asin padyak

Tinawan man nin doon kan gobernador na kinakaipuhan man an logbook sa mga establisyemento, opisina, mga pagtiripon asin pampublikong transportasyon na dapat na suratan kan pangaran, mobile number, petsa asin oras sa paglaog kan mga ini mantang sa mga pagtiripon kinakaipuhan na isurat sa logbook an numero na pigtukawan kaini.

Pinagtutugutan naman kan provincial government ang pagbukas sa nagkapirang establisimiento alagad kinakaipuhan na 50% venue sana an kapasidad kaini o kabanga kan naka-ugalian.

Pwede na sa ngonian an magkaon o pagkakaigwa nin Dine-in service sa mga food retail establishments mantang bukas naman an mga Gym/fitness studio asin sports facilities, entertainment industries, kids amusement industries, public parks, plazas, playgrounds, libraries, archives, museums asin mga cultural centers.

Kaipuhan man segun sa gobernador na 50% an operational capacity sa mga tourist destinations, hotels, travel agencies and tour operators maging sa mga bulangan, karigusan o resort.

Pinagtutugutan naman an mga Religious Gathering alagad dae dapat maglampas sa 50% kan seating/carrying capacity an pwedeng maglaog sa mga simbahan.

Sa transportasyon, mantenido na ipinagbabawal an angkas o back ride sa mga motorsiklo mantang saro sana an pasahero sa mga tricycle, 2 sa padyak asin kabanga sana kan seating capacity sa mga pampublikong jeep asin van.

Dae man dapat maglampas sa 3 pasahero an sakay kan mga private vehicles.

Mantang an mga bus iyo an pupwedeng magbyane sa laog sana kan probinsya alagag sadkod sana sa 50% an sakay kaini.

0 comments:

Post a Comment

• IBA PANG BARETA