Gov. Chiz Escudero, diskomporme sa planong pagbubukas kan klase sa Agosto


Kun personal na hahaputon si Sorsogon provincial governor Francis Joseph " Chiz" Escudero sa nakatalaan na pagbubukas kan klase sa Agosto, diskomporme siya sa mga pinaglatag na programa o manera kan Dept. of Education para sa plano kaining pagbukas kan klase.

Sa ipinaapod na Press Conference kan gobernador sa saiyang residensya sa Barangay Buhatan, Sorogon City, sinabi ni Escudero na dae pinagrereparo kan gobyerno nasyonal an tunay na sitwasyon o reyalidad sa mga probinsya dapit sa plano kaining online education.

Tinawan nin doon ni Gov. CHiz na padefisilan hasta sa ngonian an signal kan internet asin maging sa mga mobile phone orog na sa mga hararayong lugar.

Dagdag pa kan opisyal na imposible man an proposisyon kan Deped na gamiton an TV asin radyo bilang instrumento sa pagtutukdo dahilan sa nagkapira pang lugar o romete barangay sa Sorsogon an sagkod sa ngonian, dae pa naabot nin cignal kaini.

Sa ibong kan personal na pagkontra, aminado si Gov. Chiz na dae siya nin magiginibuhan kun ipag-insister kan Deped asin kan gobyerno na ideretso an klase sa Agosto.

Dagdag pa ni Gov. Chiz na dapat maging giya kan national government an primerong aldaw kan online enrollment sa paagi kan pag-aram sa tunay na bilang kan mga nagpa-enroll.

Mientrastanto, namomoroblema na sa ngonian an nagkapirang kaakian asin mga magurang kasunod kan pagpoon kan online enrollment kan Dept of Education para sa school year 2020-2021.

Personal na nagpahayag nin agrangay an mga magurang na nageerok sa mga hararayong barangay na kun igwa man sinda nin gamit na andoroid phone alagad defisilon nin husto an paghanap nin signal sa telepono lalong lalo na sa internet.

Hagad man kan mga ini na saboton an saindang sitwasyon na dae kayang makaagapay sa siring na plano kan Deped.

Segun pa sa mga ini na kun magkakaigwa man nin face to face class o physical class an saindang mga estudyante, sobra pasakit man an palabaw na singil sa pamasahe kan saindang mga aki na nagpapasiring pa sa sentro o banwa para sana makapag adal o klase.

0 comments:

Post a Comment

• IBA PANG BARETA