Gobyerno probinsyal, padagos na pinaghahandaan an parsyal na pagbubukas kan mga tourist destination sa Sorsogon




Padagos an pinagigibong paghahanda kan gobyerno probinsyal kan Sorsogon para sa parsyal na pagbubukas kan mga hotels, resorts, restaurants asin ibapang mga magagayon na pasyaran sa probinsya para sa mga local asin domestic tourism.

Segun sa Sorsogon Provincial Tourism, Culture, and Arts Office, pigponan na ni Emmanuel Duran, hepe kan Standard and Regulation Section an pag-inspeksyon sa mga hotels, resorts, homestays asin restaurants tanganing maaraman kun naipapaotob kan mga ini an mga pinaglatag na anti-COVID-19 measures asin kahandaan tanganing mag-akomodar nin mga lokal na turista.

Tinawan nin doon kan gobyerno probinsyal na ililimitar sana ninda sa 50 porsiento an operational occupancy kan mga ini mantang nasa irarum an probinsya kan modified general community quarantine.

Kabilang sa dagos ng binuksan sa publiko an Isla De Blas sa Juag Lagoon, Matnog, Sorsogon.

0 comments:

Post a Comment

• IBA PANG BARETA