Enrollees sa Bicol uminabot na sa sobra 837 mil mantang Sor. City council pabor na dae ngona magkaigwa nin klase an mga estudyante mantang dae pa nin bakuna laban sa Covid-19

Sa tahaw kan krisis COVID-19, nakapagrekord na an Department of Education o DepEd Bicol nin 837,880 na mga estudyanteng nagpa-enroll poon sa lebel nin Kindergarten sagkod Senior Senior High School asin Alternative Learning System para sa SY 2020-2021.

Basado sa datos, mas halangkaw an bilang kan mga estudyanteng nagpa-enroll sa mga pampublikong eskwelahan na uminabot sa 804,345 kumpara sa 33,535 sana na nagpa-enroll sa mga pribadong eskwelahan poon kan Hunyo 1 sagkod alas-otso nin aga kasuudma Hunyo 24, 2020.

Sa ibong kan siring na pahayag kan Deped Bicol, nagpasar nin resolosyon an mga miembro kan Sanggunian Panglunsod na suportado kan lokal na gobyerno kan ciudad na nagsasabi na pabor sinda kamawotan kan presidente na 'no vaccine no face to face classes.

Mantang pinagsusurat an baretang ini, dae pa nin opisyal na pahayag an opisina ni City School Division Supt. William Gando sa pahayag kan ciudad na pabor ining paramientras na ngonang iatras an ralaogan kan klase sa Agosto.

Mientrastanto, nangapudan an Department of Education sa publiko na iwasan magamit nin education materials na dae accredited gikan sa saindang opisina,

Ini kasunod kan report na may mga educational materials na ipinapabakal online.

Ipinagtaong ehemplo kan Deped an sarong insidente kan sarong libro kun saen nakasurat an “Banana” Rice Terraces imbes na Banaue Rice Terraces.

Matatandaan na hinale kan DepEd an 60% kan curriculum kaini para makapag-adjust sa remote learning approach sa naghahadang hadang na pagpoon kan masunod na school year na nakatalaan na mag arangkada sa Agosto 24.

0 comments:

Post a Comment

• IBA PANG BARETA