Special permit sa mga mabyaheng PUJ, kinakaipuhan - LTFRB Bicol

Ipinahayag kan Land Transportation Franchising and Regulatory Board o LTFRB na kinakaipuhan magseguro nin special permit an mga mabyaheng pampasaherong jeepney.

Segun kay LTFRB Bicol Regional Director Col. Eduardo Montealto Jr., sinabi kaini na posible ng magbyahe an public utility jeepneys o PUJs sa irarom kan General Community Quarantine basta masunod sa pigpapautob na health protocols.

Segun saiya, 50% sana kan seating capacity an pwede iakomodar siring man dapat magbugtak nin partition o clear plastic dividers sa mga tukawan para sa social distancing.

Dapat pa na magsunod sa paggamit nin face mask an driver, konduktor asin mga pasahero asin dapat na igwa nin temperature check magin disinfection kada byahe.

Dugang pa ni Montealto, prayoridad sa pagtao nin special permit iyo an sa mga kooperatiba kun saen igwa nin striktong magmamando sa mga PUJs na magsunod sa health protocols na pigpapautob kontra sa coronavirus disease.

Nakapalaman sa MC No. 2020-017 na dae nin bayad an pagkuha kan special permit sa irarom kan GCQ. Siring man segun pa kay Moentealto, 11 pesos an bayad sa enot na 4km asin P1.80 para sa masunod na kilometro.

0 comments:

Post a Comment

• IBA PANG BARETA