Probitional fare increase sa tricycle sa Sor. City, ipinaotob na

Epektibo ng ipinaotob ang bagong fare matrix para sa mga namamasadang tricycle sa ciudad kan Sorsogon.

Kasunod ini kan pagkakaaprobar sa City Ordinance No. 11, Series of 2020 sa sanggunian panlunsod na mas kilala sa apod na “COVID-19 Sorsogon City Emergency Provisional Fare Matrix for Tricycles-For-Hire of 2020”.

Segun sa city council, katuyuhan kan provisional fare increase na matuldukan ang kalibungan kan mga pasahero asin maging kan mga driver kun pira man nanggad an singil sa pasahe sa tahaw kan limitadong byahe sa Sorsogon na nasa irarum ngonian kan GCQ.

Pinasisiguro kan city council na nakapaskil an bagong fare matrix sa mga ssakyan tanganing may giya an saindang mga pasahero.

Sa irarum kan probi fare increase, 20 pesos o haros doble an bayad sa mga masakay sa round-round o an mga nagbabyahe sana sa sentro kan ciudad.

Nangapudan man an konseho sa mga tricycle drivers na dae magpasakay nin mga pasaherong 20 anyos pababa asin 60 anyos pataas kun dae nin darang GCQ pass mantang mahigpit na pinagpapasunod an pagamit kan face mask.

0 comments:

Post a Comment