Pharmacy owner sa Sorsogon City, arestado sa entrapment operation kan mga otoridad sahilan sa pagpapabakal nin overprice na alkohol

Post a Comment
Arestado an tagsadirihon kan sarong botika sa ciudad kan Sorsogon kasunod kan isinagibong entrapment operation kan mga otoridad kontra sa ERL Pharmacy na matutuparan sa Magsaysay Street, Brgy. Sulucan, Sorsogon City.

Pinagbisto an negosyante asin pharmcy owner na si Angelo Lagamayo Benzon, 48 anyos, residente kan BrgyTugos, Sorsogon City.

Sinabi ni Police Lieutenant Colonel Benito E Dipad, Chief of Police kan Sorsogon City Police Station, inaresto an akusado dahilan sa pagpapabakal nin mas halangkaw na presyo kan alkohol kaysa sa pinagtalaan na suggested retail price kaini.

Narekober kan mga otoridad an nasa 23 na gallon kan 70% solution Isopropyl Alcohol, Php 1,000.00 bill na ginamit bilang entrapment money asin sales invoice na nakapangalan sa nasabing parmasya na may petsang Mayo 15, 2020.

Kasabay man sa inaresto dahilan sa overpricing an pharmacy assistant kan ERL pharma na si Denely Alarzar, 22 anyos na residente kan Brgy Miluya, Castilla, Sorsogon.

Related Posts

There is no other posts in this category.

Post a Comment

Subscribe Our Newsletter