Destroso kan bagyong Ambo sa sektor kan agrikultura sa Sorsogon, uminabot sa 2.6M - DA Bicol

Post a Comment
Uminabot sa 79.9 milyones pesos na kantidad an nadestroso kan bagyong Ambo sa mga pananom asin livestocks sa mga probinsya sa bilog na rehiyon Bicol.

Segun kay Department of Agriculture - Bicol Regional Executive Director Rodel Tornilla, an maisan an nadanyaran nin husto kan bagyo kun saen uminabot an production loss sa 52 milyones pesos na pinagsundan kan paray na suminakat sa 17 milyones pesos an winalat na destroso, high value crops na 10.1 milyon pesos asin livestock na mabot sa 101,500 an nairehistrong destroso.

Sinabi kan opisyal an probinsya kan Masbate an nakapagrehistro nin pinakadakulang pagkalugi sa agrikultura na uminabot sa haros ?36.9 milyon piso, sinundan ini kan probinsya kan Camarines Sur na may ?33.1M na pagkalugi asin Albay na uminabot man sa ?4.5 milyon pesos an nawalat na destroso.

Nasa 2.6M pesos naman an nadestroso sa lado kan agrikultura sa Sorsogon mantang nasa 2.5M pesos sa Catanduanes asin sobra sana sa 85 mil pesos sa probinsya kan Camarines Norte.

Katakud kan siring na bagay, siniguro kan DA na makakaresibe nin tabang an mga naapektaran na mga paraoma sa paagi kan pagtatao ninda nin libreng binhi nin mga pananom sa mga ini.

Related Posts

There is no other posts in this category.

Post a Comment

Subscribe Our Newsletter