Covid-buster team kan provincial government, nagsagibo nin disinfection sa quarantine facility sa Matnog makalihis na makapagrehistro nin primerong kaso nin Covid-19 sa Sorsogon

Post a Comment
Tulos na nagsagibo nin disinfection and sanitation operation an COVID Buster Team kan Sorsogon provincial government tanganing maiwasan an possible pang pagkalat kan Corona Virus Disease (COVID-19).

Ini makalihis na makapagrehistro nin pinaka-kaenot enoteng positibong kaso kan Covid 19 an probinsya kan nakalihis na aldaw.

Sosog sa report, nagpasiring an grupo sa Matnog National High School tanganing magsagibo nin disinfection sa quarantine facility na matutuparan sa laog kan campus na enot na pinagdarhan kan COVID-19 positive case na si Romegio Cruz tanganing magsairarum sa mandatory quarantine.

Nagdurar man nin harus 15 minuto an naging disinfection procedure sosog naman sa ipinalowas na derektiba kan mga personahes kan Provincial Health Office (PHO).

Mahigpit sa ngonian na pinagmomonitor kan PHO Sorsogon sa COVID ward sa provincial hospital an nasabing seaferrer na taga Brgy. Caloocan Matnog na sinasabing asymptomatic asin nasa maayos man sa ngonian na kondisyon.

Related Posts

There is no other posts in this category.

Post a Comment

Subscribe Our Newsletter