Vice Gov. Wowo Fortes, nagpalowas nin pahayag makalihis na madakop an menor de edad na aki na alegadong nagbalgar sa ECQ

Post a Comment
Nagpalowas nin opisyal na pahayag si Sor. Vice-Governor Manuel Fortes Jr. may relasyon sa kontrobersiya na kinasasabitan kan saiyang menor de edad na aki na nagbalgar sa istriktong implementasyon kan enhanced community quarantine sa Sorsogon.

Kasabay kan paghagad nin despensa, sinabi kan bise gobernador na dae nin permiso hale sa saiya an pagmaneho kan saiyang aki sa lowas kan harong.




Abril 24 kan madakop kan mga pulis an 17-anyos na aking lalaki ni VG Fortes dahilan sa pagmamaneho nin sasakyan na student's drivers license sana an dara, dae nin sulot na facemask asin an bitbit na ECQ pass ito an bako suno sa ginamit na sasakyan.

Kinompirmar man kan opisyal na sinabihan na niya an saiyang aki may relasyon sa salang gawi asin pinatanidad na dapat na hampangon an konsikwensya sa ginibo.

Pigkomendaran man ni VG Fortes an mga kapulisan na nagigibo kan saindang trabaho asin mandato sa tahaw kan paglaban kontra sa Covod-19 pandemic.

Related Posts

There is no other posts in this category.

Post a Comment

Subscribe Our Newsletter