SSC Bulan Campus, nagsagibo nin donation drive para sa mga apektado kan covid-19 crisis, inisyal na donasyon uminabot sa 146,000 pesos

Post a Comment
SSC-Bulan Quarantine Facility (Olaf Gotladera FB Post)

Nagsagibo an Sorsogon State College - Bulan Campus nin sarong donation drive para makatao nin asistensya sa mga orog na nangangaipo sa tahaw kan eksistidong krisis dara kan Covid-19.

Sosog sa report, an siring na lakdang iyo an inapod na "One SSC, One Heart for the Community Donation Drive" na may katuyuhan na makakolekta nin donasyon gikan sa mga paratukdo, empleyado, estudyante, alumni, retirees asin mga pribadong indibidwal o sektor tanganing makabakal nin relief goods na ididistrebwer sa mga tios na pamilya.

An siring na programa kan SSC Bulan iyo an pinon-an kan nakalihis na Abril 19 kun saen uminabot na sa 146,508.38 pesos an natipon na cash donations as of April 17 apwera sa in-kind donations na 14 na sako nin bagas asin mga cookies.

Uminabot man sa 800 na relief packs an narepak sa primerong batch kan State College kun saen itinao ini sa mga piling pamilya sa mga barangay kan Managa-naga, Obrero, San Vicente, Zone 8, Zone 7, Aquino, Libertad, Jamorawon asin Montecalvario.

Related Posts

There is no other posts in this category.

Post a Comment

Subscribe Our Newsletter