PUIs asin PUMs na naka-quarantine sa SSU nasa 56 na sana

Post a Comment
Kun taga Sorsogon, padagoson.

Ini an ipinalowas na kasuguan kan gobyerno probinsyal kan Sorsogon sa tahaw kan pagkakalusot kan nagkapirang persona gikan sa ibang probinsya sa tahaw kan ipinapaotob na lockdown sa Luzon.

Sa intrebista kan OKFM sa programang Bicol Target kay Dong Mendoza, public information officer kan probinsya, sinabi niya na sosog sa kasuguan kan gobernador, dapat na akoon an mga Sorsoganon na nagpirit na makalaog sa Sorsogon dahilan sa dae man an mga ini nin madadalaganan.

Sa ibong kaini, dapat na sigurohon na madara an mga ini sa quarantine facility kan gobyerno asin magsairarum sa 14-diaz na pagka kwarentina.

Pangapudan man ni Mendoza sa mga opisyal kan barangay na magtomar parte asin darahon tulos sa mga quarantine facilitt an mga bagong salta sa saindang lugar.

Kinompirmar ni Mendoza na nasa 56 na sanang persona an presenteng naka-quarantine sa Sorsogon State University gikan sa dating sobra 300 na bilang makalihis na matapos kan mga ini an 14-days na quarantine period.

Related Posts

There is no other posts in this category.

Post a Comment

Subscribe Our Newsletter