Provincial Health Office Sorsogon, nagpalowas nin kasimbahan, sa social media post na may sarong pasyente na pig- cremate dahilan sa pagiging Covid-19 suspect

Post a Comment
Nagpalowas nin pahayag asin surat sa opisina ni Sor. Gov. Francis Joseph Escudero an Provincial Health Office Sorsogon dapit sa nagserkular na estorya sa social media na sarong pasyente an pig-cremated kun saen nakabugtak sa death certificate na ini iyo an COVID-19 Suspect.



Segun sa Provincial Epidemiologic and Surveillance Unit (PESU) Nurse, an nasabing pasyente iyo an may helang na pneumonia with End Stage Renal Disease asin nagsasasairaum sa dialysis.

Makalihis na makakua nin magkakanigong data sa mga miembro kan pamilya para sa assessment, ipinagrefer kaini an kaso sa Emerging and Re-emerging Disease (EREID) Physician kun saen naglowas sa inisyal na assessment na dae nin history of exposure or travel an pasyente sa mga lugar na kontaminado kan helang.

Dahilan kaini, pinagrekomendar kan mga doktor na ilubong tulos sa laog nin 12 oras an pasyente bilang pagsunod sa standard na dapat gibohon sa mga nagadan na posibleng kawsa kan infectious desease.

Tinawan man nin doon kan PHO na dae nagrekomendar an PESU na i-cremate an bangkay kan biktima dahilan sa kawaran man nin crematorium facilities sa Sorsogon.


Nagpahayag man nin pakikipagmundo an PHO sa pamilya kan nagadan asin tinawan nin doon kaini na pinagrerespetaran ninda an pahayag kan pamilya sa social media mantang klaripikasyon sa isyu kun kaya nagpalowas sinda nin kasimbagan may relasyon digde.

Related Posts

There is no other posts in this category.

Post a Comment

Subscribe Our Newsletter