Plaso sa LGUs para tapuson an distribusyon kan SAP, pinalawig nin 7 aldaw

Post a Comment
Pinalawig pa kan Department of the Interior and Local Government an itinaong plaso sa mga local government unit (LGU) tanganing tapuson an distribusyon kan SAP o Social Amelioration Program sa saindang mga nasasakupan na lugar.

Segun kay DILG Secretary Eduardo Año, pitong aldaw an itinao nindang ekstensyon sa mga LGU para makompleto an distribusyon kan ayuda sa mga benepisyaryo.

Aminado an opisyal na saro sa mga rason kun kaya naatraso an pag-release kan SAP dahil sa pag-obserbar kan social distancing asin balidasyon na pinagigibo.

Sa ibong na lado, sinabi kan Department of Social Welfare and Development nasa 98.8 percent na kan SAP budget an naibuhos na sa mga LGU sa bilog na nasyon mantang nasa 104 nang mga LGU an nakapag-pay out nin siento porsiento.

Related Posts

There is no other posts in this category.

Post a Comment

Subscribe Our Newsletter