PHO Sorsogon, liwat na nangapudan sa publiko kontra fake news

Post a Comment
Nagpalowas nin patanid an Provincial Health Office Sorsogon na iwasan an pagpakalat nin mga pekeng bareta o fake news may relasyon sa isyu kan positibong kaso kan Covid-19 sa Sorsogon.

Sinabi kan PHO, na halaton an opisyal na pahayag kan Dept of Health Bicol asin kan probinsya may relasyon digde asin iwasan an pagpaserkular nin mga pekeng bareta sa paagi kan pag-share sa mga napurot sanang estorya o news feed gikan sa social media.

Matatandaan na kuminalat kasuudma an bareta sa Facebook na sarong residente kan Sor. City an nagpositibo sa kaso kan Covid-19.

Mientrastanto, nagpalowas nin klarpikasyon an sarong private hospital sa Sor. City may relasyon sa siring na isyu.

Sinabi ni Dr. Khem Perez, CEO kan MetroHealth Specialist Hospital na dae nin na-confine na Covid-19 confirmed patient asin mantenidong Covid-19 free an saindang pasilidad.

Kun may magpositibo man sa ginibo nindang rapid test sa sarong pasyente tulos ninda ining itatransfer sa PESU para sa confirmatory asin an DOH sana an tama asin solamenteng ahensya na mapalowas nin pahayag may relasyon digde.

Siniguro man ni Dr. Perez na masunod sinda sa anoman na protocol asin guidelines may relasyon sa pagpapalowas nin impormasyon sa Covid-19 asin pagsiguro sa general safety and health kan mga stakesholder.

Related Posts

There is no other posts in this category.

Post a Comment

Subscribe Our Newsletter