NFA Sorsogon, nakapagrelease na nin sobra sa 46 mil na sako nin bagas sa bilog na probinsya

Post a Comment


Uminabot sa 46 mil na sako nin bagas an na-irelease kan National Food Authority Sorsogon sa bilog na probinsya kan Sorsogon makalihis na magdeklarar an gobyerno nin national state of calamity dahilan sa epekto kan Covid-19.

Sinabi kan NFA Sorsogon, an nasabing mga bagas iyo an itinao sa mga local government units asin sa opisina kan 2nd congressional district.

An ciudad kan Sorsogon an na-releasan nin pinakadakol na bilang nin NFA rice na uminabot sa 10,029 na sako mantang an provincial government iyo an nasa 5,600 na sako nin bagas asin an opisina ni COngw. Ditas Ramos iyo an nakakua nin 1,540 na sako nin bagas.

Sa kabilugan, sinabi kan NFA Sorsogon, nasa 46,942 nin sako nin bagas an saindang naitao o naipalowas kun saen kasabay sa naging benepisyaryo kaini an mga banwaan kan Juban, Bulusan, Magallanes, Gubat, Matnog, Donsol, Barcelona, Bulan, Pto. Diaz, Sta. Magdalena, Pilar, Irosin asin Castilla.

Related Posts

There is no other posts in this category.

Post a Comment

Subscribe Our Newsletter