Mga magpopositibo sa Covid-19, papangaran - Gov. Chiz

Post a Comment


Dae magdododwa dowa an gobyerno probinsyal kan Sorsogon na pangaranan an mga persona na posibleng magpositibo sa Covid-19 o 2019-Corona Virus Desease.

Ini an tinawan nin doon ni Sorsogon Governor Francis “Chiz” Escudero sa paghampang sa media kasunod kan ipinaapod na press conference tanganing magtao nin update sa Covid-19.

Paliwanag kan gobernador na sa paagi kaini mas mapaparikas an gigibohon na contract tracing, pagkua nin swab sample asin pag-isolate sa mga posibleng nakasalamuha kan pasyente.

Kun magiging marikas ang contract tracing sa mga barangay, paliwanag kan ama kan probinsya na maiiwasan an haloy na paglockdown sa lugar.

Siniguro man ni Gov. Escudero na nakahanda an probinsya enkaso na makapagrehistro nin positibong kaso kan Covid-19 kun saen nakabilog na an provincial government nin buster team na mangengenot sa contract tracing.

Mantenidong Covid-19 free an Sorsogon kasabay na an Masbate asin Cam. Nortye segun sa Dept. of Health Bicol.

Related Posts

There is no other posts in this category.

Post a Comment

Subscribe Our Newsletter