LGU Irosin derektang mabakal nin gulay sa mga para-oma para idestribwer sa mga barangay

Post a Comment
Nangapudan an Irosin Municipal Agriculture's Office sa mga paraoma na ipabakal sa saindang opisina an mga maaning produkto.

Sinabi ni Nimfa B. Ferolino, municipal agriculturist, nakatalaan na bakalon kan lokal na gobyerno an nasabing mga produkto sa farm gate price na ipapabakal man sa mga tawo sa paagi kan mobile market sa kaparehong presyo.

Kasabay sa mga gulayon na babakalon kay LGU iyo an mga minasunod: ampalaya o marigoso, sitaw, gabi, kalabasa, kamatis, kamote, radish, mais, okra, tapayas, patola, pechay, pipino, sigidilyas, sili, talong, pakwan, upo, sibuyas, bawang asin maging an bagas.

An lakdang na ini kan LGU may katuyuhan na matabangan an mga Irosenio na makabakal nin baratong gulay na dae na kinakaipuhan pang magpa-sentro.

Mientrastanto, nakatalaan na magpasiring sa ngonian na aldaw an mobile market kan Irosin sa barangay kan Cogon asin Tinampo mantang naka-schedule ini sa aga sa Brgy Bolos asin Gulang-gulang.

Related Posts

There is no other posts in this category.

Post a Comment

Subscribe Our Newsletter