EO ni Gov. Chiz Escudero makalihis na isairarum sa General Community Quarantine an Sorsogon, pinaglalaoman na ipapalowas ngonian na semana

Post a Comment
Pinaglalaoman na magpapalowas nin bagong kasuguan si Sor. Gov. Francis Chiz Escudero ngonian na semana makalihis na haleon kan Inter Agency Task Force sa Enhanced Community Quarantine an Sorsogon asin isabay sa mga lugar na Low General Community Quarantine dahilan sa zero positive case kan Corona Virus Desease.

Sa facebook post ni Dong Mendoza, provincial information officer, ipinahiling kaini an ladawan kan gobernador na nagsasagibo na nin draft dahilan sa pagsasairarum sa GCQ kan probinsya poon Mayo 1.

Kinompirmar man ni Dong Mendoza, na mahigpit man guiraray na ipapasunod an 24-oras na curfew para sa mga persona na nageedad nin 20 anyos pababa asin 60 anyos pataas suno sa pinakosog na Prov’l Ord. No 26-2020.

Sa ipinalowas na pahayag kan IATF, nagkapirang probisyones an pinaglatag sa mga lugar na nasa irarum kan GCQ kun saen ini kinabibilangan kan mga minasunod:

Dapat man guiraray mag-stay at home an mga persona na nag-eedad 20 anyos pababa asin 60-anyos pataas siring man an mga may helang o high healt risk.

Pinagtutugutan an mga non workers na makapagbakal nin pangangaipo asin ibapang serbisyo apwera na sana an nasa irarum kan category 4 o leisure and children.

Tinutugutan naman na magbukas an mall alagad para sa mga non-leisure shop sana.

Pwede naman na magbalik operasyon an mga priority and essential construction work project.

Pigkokonsiderar naman an mga higher education institution nma makatapos na makapagtao nin grado asin credentials sa saindang mga estudyante.

Balik operasyon naman an public transport alagad sa limitado man guiraray na kapasidad mantang pigpapaderetso an implementasyon kan curfew boro-banggi sa mga dae nin trabaho.

Related Posts

There is no other posts in this category.

Post a Comment

Subscribe Our Newsletter