Sor. City government nagpalowas nin guidelines sa mga motorista asin byahero

Nagpalowas nin guidelines an Sorsogon City Traffic Management Emergency & Civil Security may relasyon sa pagdalagan kan mga public and privarte vehicle sa ciudad kan Sorsogon kasunod kan ipinalowas na executive order ni Sor. Gov. Francis Joseph Escudero na nagsasabi nin harmonizing and humanizing the guidelines on enhanced community quarantine.

Sa facebook post kan TMecs sinabi digde na tutugutan sanang makapagmaneho nin motorsiklo an sarong persona sa kondisyon na dae ini nin backride asin nakasulot nin face mask asin helmet.

Sarong pasahero sana an dapat na isakay kan mga namamasadang tricycle asin dapat man na may facemask an mga ini.

Mantang sa mga panpasaherong jeep partikularmente an nagbabyahe nin Sor. City proper to Bacon district, dapat na kabanga sana sa sitting capacity kan jeep an laman asin obserbahan an social distancing o sarong metro na agwat sa kada saro.

Sa mga pribadong sasakyan siring kan kotse, dapat saro sana an sakay kaini.

Pangapudan man kan TMecs sa mga commuters na magsumbong sa saindang opisina kun may pangaabuso an sarong tsuper siring na sana kan pagsisingil nin sobra sa pasahe asin dapat na tandaan an city franchise kan mga ini para matawan nin magkakanigong aksyon.

0 comments:

Post a Comment