Rolling store sa barangay Buhatan, Sor. City, uminarangkada na

Uminarangkada na an paglibot kan mga rolling store sa Brgy kan Buhatan sa east District.

Sinabi ni Brgy. Capt. Edwin Divina, magpoon ngonian na aldaw, 5 ng rolling store an maglilibot sa saindang barangay tanganing magpabakal nin mga mayor na pangangaipo kan mga residente siring kan gulayon asin ibapa mantang mahigpit na pinagpapasunod an lockdown.



Sa ibong na lado, kinompirmar man kan opoisyal na padagos an paglilibot kan mga garbage collector, poon alas 6 nin aga hasta alas 9 nin aga, MWF para masiguro an kalinigan kan brgy.

Sa west district, nangapudan si Piot Brgy. Capt. Daniel Gonzales sa mga residente na makipagkoordinar sa mga brgy kagawad na iyo an enkargado sa pagrelease kan mga ECQ pass per purok.

Dagdag pa kan kapitan na nakalista man sa saindang barangay an schedule sa pagpapasada kan mga tricycle kun saen mahigpit man na ipapasunod an point to point na byahe.

0 comments:

Post a Comment