Mga brgy official, kanya kanyang diskarte para matabangan an mga residente na apektado kan lockdown

Post a Comment
Nangapudan an mga opisyal kan barangay na makipagtabangan sa pinagigibong lakdang kan gobyerno tanganing mapugulan an posibleng pagkalat kan covid-19.

Ini sa paagi kan dae na ngona paglowas sa harong kun dae man nin importanteng lakawon asin pagsunod sa pinagtalaan na curfew.

Mientrastanto, nagtomar parte na an ibang mga brgy council tanganing mahatudan nin tabang an mga apektadong pamilya kan ipinaotob na lockdown kan gobyerno.

Sa brgy. Buhatan, nagbakal an konseho sa pangengenot ni Brgy. Capt. Edwin Divina nin 50 sako nin bagas asin mga canned goods na itatao sa mga persona na talagang nangangaipo.

Aminado man si Divina na dae kayang suplayan kan brgy an pangangaipo sa sarong bulan kun kaya naghahagad sinda nin tabang sa paagi nin donasyon sa mga may marhay na boot.

Sa ibang barangay sa ciudad, siring kan Brgy. San Vicente sa Distrito kan Bacon namomroblema na kun papano babaranga-bangaon an kadiit na pondo na nasa irarum kan calamity fund.

Related Posts

There is no other posts in this category.

Post a Comment

Subscribe Our Newsletter