Labtest result sa kawsa kan pagkakagadan kan staff ni Congw. Ramos padagos na pinaghahalat

Sa tahaw kan pagserkular sa estorya sa social media na nagadan dahilan sa covid-19 an sarong Congressional staff ni Sorsogon 2nd Dist. Rep. Ditas Ramos.

Padagos ngonian na pinaghahalat an resulta kan laboratory test sa bangkay ni Manuel Rocha.

Enot ng ikinonsiderar si Rocha na Person Under Investigation makalihis na maka-eksperyensya nin sintomas kan helang siring kan dry cough asin halangkaw na kalintura.

Sinasabing dae na man nin history of travel sa ibang nasyon na may kompirmadong kaso nin COVID-19 case asin dae nin anoman na exposure sa kompirmadong kaso.

Tulos man na nagpahayag nin pagkakamundo si Congw. Ramos sa pagkagadan ni Rocha na enot ng idinalagan sa Sts Luke's Hospital kan nakalihis na Marso 21.

0 comments:

Post a Comment

• IBA PANG BARETA