Kreminalidad sa bicol nagbaba dahilan sa lockdown segun sa PNP Bicol

Nagbaba an kaso kan kremin sa kabikulan kasunod kan pag-imposar sa Enhanced Community Quarantine poon kan Marso 17, 2020.

Segun kay Police Regional Office 5 Regional Director B/Gen. ANTHONY S ALCAƑESES, nakapagrehistro sana sinda nin 8 insidente nin krimenidad matapos an ginibong operasyon kan Marso 17 sagkod 21 o katumbas nin 84.31% na pagbaba kumpara sa 51 krimen na saindang naerehistro kan nakalihis na taon sa kaparehong peryodo.

An pagbaba sa krimen segun sa opisyal iyo an kawsa kan istriktong pagpapasunod kan quarantine kan manlaenlaen na police station sa kabikulan.

Siniguro kan heneral na mahigpit na pinagsusunod asin pinagpapaotob kan PNP Bicol an saindang mandato na masiguro an paz y orden sa paglibot sa tahaw kan patakot kan corona virus desease 2019.

0 comments:

Post a Comment