Inuman sa tahaw kan lockdown sa Sor. City, na-uli sa paninigbas

Bagsak sa kulungan an sarong construction worker makalihis na tigbason an saiyang kainuman sa Sitio Talaban-an, Brgy. Salvacion, Bacon District,Sorsogon City.

Pigbisto an akusadong si JESSIE DETERA JARILLA, 41 anyos.,

Sa inisyal na imbestigasyon kan pulisya, mantang nakikipag-inuman an suspect sa saiyang mga kabarangay kan biglang magkaigwa nin mainitan na diskosyon sa biktimang si DOMINGO LASARTE LADOB.

Daholan kaini, nagkua nin sudang an suspect asin dowang bes na tinigbas an biktima sa saiyang lawas.

Tulos man na idinalagan sa ospital si Ladob mantang nasa kostudya na kan pulisya an suspect para sa magkakanigong disposisyon.

Mientrastanto, sarong indibidwal an inaresto kan mga personahes kan Casiguran Municipal Police Station sa tabang kan mga opisyal kan barangay sa Timbayog.

Ini makalihis na maaktuhan an lalaki poco mas o menus alas 5:30 nin hapon na buyong na nagbabasad basad sa tinampo asin dae nin dara darang ECQ pass.

0 comments:

Post a Comment