Gobyerno probinsyal, maarkila nin van para sa pagtransportar kan mga health worker; libreng lawlaw ididestribuwer sa mga barangay

Post a Comment
Nakatalaan na magdistribwer nin isda na “tamban” sa mga tios na pamilya sa Sorsogon an provincial government na apektado nin husto kan ipinapaotob na enhanced community quarantine kan gobyerno nin huli sa patakot kan coronavirus disease (COVID-19).

Sinabi ni Dong Mendoza, public information officer kan probinsya, marenta an gobyerno probinsyal nin jeep tanganing ihatod an nasabing mga isda.

Dadarahon sa mga brgy an nasabing ayuda na hale mismo sa Bulan Fish Port Complex,

Mientrastanto, handa man an gobyerno probinsyal segun kay Mendoza na magrenta nin mga van tanganing gamiton na service vehicles kan mga health worker sa manlaenlaen na ospital.

Ini kasunod naman kan derektina ni Sor. Governor Francis “Chiz” Escudero na nag-aawtorisar sa mga jeepney asin tricycle na makapagbyahe sa paagi nin point-to-point scheme tanganing maserbisyunan an publiko na mabakal nin mga mayor na pangangaipo asin serbisyo mantang ipinagtataong bahala sa mga brgy official an pagdesignar nin pick-up points sa saindang mga nasasakupan na lugar.

Related Posts

There is no other posts in this category.

Post a Comment

Subscribe Our Newsletter