Brgy Kapitan asin konstitwentes kaini sa Macabog, nagka-initan dahilan sa rasyon

Post a Comment
Nagkainitan sa isinagibong checkpoint sa sarong barangay sa ciudad kan Sorsogon an brgy kapitan asin residente kaini dahilan sana sa rasyon o relief goods na itinatao kan gobyerno.

Sa ipinalowas na report kan Sorsogon City Police Station, mantang pigmamanduhan ni Brgy. Chairman Ronaldo Taburada Laguidao, kan Brgy. Macabog, Sorsogon City an isinasagibing checkpoint kan nakalihis na aldaw kan bigla na sanang mag-abot an kabaranggay kaini na si Teodoro Janolan Croox asin kinompronta an kapitan.

Alegadong kinurahawan ni Teodoro an Kapitan asin hinapot nin: “nano kapitan tinabla mo si brod sa rasyon hali sa mayor” 

Simbag man ni Kap Laguidao, “paano dili kamu hatagan na nagsabi si papa mo na si brod mo na inbabahog niyo man lang sa ayam ang inhahatag na rasyon sang gobyerno. kung inbabahog niyo man lang sa ayam ihatag ko na lang sa mga nangangaipo”. 

Pakatapos kaini, sinabi kan brgy chairman si Teodoro na mag-uli sa saindang harong dahilan sa dae ini nin dara darang ECQ pass mantang nasa implwensya so boot nin bugsok na likido alagad nagmatagas ini asin padagos an pagpapasupog sa brgy official.

Dahilan kan siring na bagay, binitbit kan mga brgy tanod si Teodoro asin pinagturn over sa PNP para sa magkakanigong disposisyon.

Related Posts

There is no other posts in this category.

Post a Comment

Subscribe Our Newsletter