Averaging system ipapaotob kan Soreco 2 para sa kinonsumong kuryente para sa March 2020 billing period

Dahilan sa ipinapaotob na lockdown sa Luzon, dagos ng pigkanselar kan manehamiento kan Sor. 2 Electric Cooperative an aktwal na meter reading para sa March 2020 Billing period.

Dahilan kaini, gagamiton na sana kan Soreco 2 an 'averaging system' kun saen ibabase sa nakaaging bulan na billing period an konsumo sa kuryente asin ini pinagtutugutan kan Energy Regalatory COmmission.

Paliwanag pa kan electric cooperative na itatama an aktwal na konsumo sa pagresumer kan aktwal na reading kan metro sa pagtatapos kan quarantine period.

Pigpalawig man nin 30 diaz kan Soreco 2 an due date sa nakonsumong kuryente sa March - April 2020 na reading period sosog naman sa ipinalowas na ERC advisory.

Kinompirmar man kan Soreco na bukas an saindang mga sub offices para makatao nin serbisyo sa mga miembros konsumidores.


0 comments:

Post a Comment