24 oras na curfew sa mga aki, edad 15 anyos pababa, epektibo nang ipapasunod sa bilog na probinsya

Dagos ng pinakosog kan mga miembro kan sanggunian panlalawigan an ordinansa na nagtatalaan nin 24 oras na curfew sa mga menor de edad.

Sa aprobadong provincial ordinance no. 19-2020, nakapalaman digde na bawal ng maglowas sa tinampo an mga kaakian o hobenes na nag eedad 15 anyos pababa orog na sa mga pampublikong lugar.

Exempted sa siring na ordinansa an mga kaakian na nangangaipo nin tabang medikal o nasa emerhensiyang sitwasyon.

Papabalikon an mga menor de edad sa saindang harong kun mabalgar sa siring na kasuguan mantang pagsasabihan an mga magurang o guardian kan mga ini sa saindang parental obligation sa primerong offense na madakop an aki.

Kun mag-otro pa an mga ini na balgaron an curfew ordinance, irereport an insidente sa eskwelahan kun saen naka-enroll an aki para sa magkakanigong ebalwasyon asin reprimand.

Mantang sa ikatolong offense, ipapataw na an community service siring kan pagpapalinig sa kapalibutan.

Katuyuhan kan siring na ordinansa na mapugulan an pagbabasad basad kan mga kaakian sa tinampo asin ibapang mga pampublikong lugar asin pagtatambay kan mga ini mantang nakataas an lockdown.

0 comments:

Post a Comment

• IBA PANG BARETA